El pasáu sábadu 20 d'outubre una delegación de RUCHAR Mocedá Llionesa desplazóuse hasta Asturies pa participar nos actos entamaos pola organización moza Darréu. Estos actos están enmarcaos dientru del Día de la Mocedá Revolucionario, una xornada que sirve d'alcordanza de la Revolución de 1934.
El primer actu del día foi l'alcuentru internacionalista au pudimos compartir esperiencias y conocimientos con outras compañeras y compañeros tanto de Darréu cumo d'Arrán, organización de la mocedá independentista catalana. Tamién pudimos deprender abondo sobro la lluita del puebru saharaui gracias a la participación d'Aby, presidente de la Comunidá Saharaui Residente n'Asturies.
Depuéis
de la xinta popular continuamos escuitando la charra del diputáu Oskar Matute, de EH Bildu, col cual pudimos deprender más sobro'l preyeutu d'esta coalición.
Pa rematar la xornada, y nun ambiente más relaxáu, esfrutamos de deillos conciertos no XV Asturies Nun Escaez, conos grupos Brutus' Daughters, La Tarrancha y Fruela 757.
Dende RUCHAR agradecemos a Darréu la invitación y tódolos esfuercios pa desendolcar estás actividades, asina cumo al CSA La Llegra pol prestosísimu espaciu au fuenon deillos actos.
Por outru lláu amosamos el nuesu compromisu internacionalista col puebru asturianu, y col restu de puebros, pa lluitar por una sociedá más xusta.
¡PUXA ASTURIES!
¡PUXA'L PAÍS LLIONÉS!
No hay comentarios:
Los comentarios nuevos no están permitidos.